In posta, episode 1

Vecio davanti de mi: 

"devo spedir questo"
"eh, xe tropo picio, nosepol"
"e quindi come fazo???"
"provemo meter in sta scatola + grande"
"va ben"
"cossa xe dentro?"
"ninoli per mio nipote"
"metemo monili?"
"va ben"
"no ardi"
"perchè? cossa nassi?" 

...10 minuti dopo...

"ah eco, xe provincia de monza e brianza, no milano"
"ah ostia, ma mio nipote me gaveva dito milano, cossa la vol, desso no i bada + ai indirizi, i ga skaip, cossa so mi, internel, telefonini..."
"ok fato"

mi: 

"devo spedir questi libri in russia"
"racomandata nosepol. femo prioritaria?"
"bu, va ben"
"pesa tropo, no se pol"
"eh, el peso dela cultura..."
"spedimo come pacco?"
"bu, sì va ben, forma de pacco ga..."
"ordinario?"
"bu, sì"
"via di superficie o aerea?"
"bon me arendo, me dago impreparà. femo in modo che rivi, no inquini tropo e costi poco"
"ok. 24 euri va ben?"
"fata la xe."

Epilogo:
vecio davanti de mi: "scusa mulo, te go fato spetar un casin"
mi: "no problem. gavemo ridù, se semo divertidi, xe stada una bela matinata"

We love Poste Italiane.

El circo dei cocai

No so se savè, ma a Trieste xe rivà el circo dei cocai. Nei prossimi giorni i farà qualche numero, tipo kamikaze panin stealing at Pedoceen o Grampa&scampa sardon ciaping at Grassilli.
Per adesso gavemo becà i do paiazi dela compagnia, Toio e Pino, che sta preparando una serie de imitazioni. Eco quela dela Galina con do teste!

Spetemo el spetacolo completo ah!

Mati e tocai

a trieste xe un mato

che no xe mato

ma quei mati 'ssai

i li ciama tocai

anca i cocai

ne par tocai

se inveze el furlan

no xe + tocai

caro cogoi

semo cagai

Grazie a Gianluca de Zordi per l'ispirazion.

Winner Taconador

Un grande ritorno tra i gelati dela Algida, el mitico Winner Taco!

Per far un lancio col botto e tirar su subito le vendite, i ga fato anche una nova variante, perfeta per sfondar nel mercato. Eco el novissimo Winner Taconador!

Ocio che in sto secondo caso el claim "I'm back" xe una minaccia.

El quel dele Hawaii

Perciò che no finissi in dimenticatoio, recuperemo questa importante testimonianza che mostra una interessante convergenza evolutiva linguistica: l'uso del quel.
Come mostra sta vigneta tradota da Erika Ronchin, anche ale Hawaii i ga una parola che servi per sostituir le altre, e xe "da kine".

De particolar interesse scientifico el fato che sia el quel che da kine xe fomai dela stessa combinazion numerica de letere: 2+4. Per dir, anche l'italian "il coso" xe 2+4. Urgi ricerca aprofondita per capir el perchè de sto quel numerico.

Resta inegabile comunque che el quel triestin xe molto più specifico: quel solo che quel pol esser, mentre de cosi ghe ne xe tanti pertuto.

Se pensi di essere ubriaco ti senti più figo

Monon Behavior in the world. La rubrica dedicata ai più importanti studi scientifici VERI che ci hanno praticamente rubato. Maledeti ciò.

Beauty is in the eye of the beer holder’: People who think they are drunk also think they are attractive

(tra l'altro un titolo che da solo vale un premio)
La clapa di ricercatori francoamericanolandesi Bègue, Bushman, Zerhouni, Subra e Ourabah ha dimostrato che se pensi di essere ubriaco ti senti più figo.
La ricerca è stata condotta in due fasi. La prima, condotta in bar (per bon), ha dimostrato che più alcol bevi, più ti senti figo.
Nella seconda, venivano serviti sia alcolici che analcolici, a random. Tuttavia, a metà persone era stato fatto credere che fosse servito alcol e metà invece era convinta che tutto fosse rigorosamente anal.
A fine bevuta, intervistati, quelli convinti di avere alcol in corpo, per quanto non ci fosse, si sentivano più fighi.
Tra l'altro questo era il vero significato implicito del principio cartesiano Cogito ergo sum. Penso (de esser imbriago), dunque sono (imbriago).
However, ratings from independent judges showed that this boost in self-evaluation was unrelated to actual performance.

Festeggiano gli osti triestini: ah bon, desso che so, nel spritz te meto solo che acqua e giusto una spudaceta de vin, tanto te se imbriaghi lo stesso!
P.S. stiamo raccogliendo volontari per rifare assieme la prima parte dello studio. 

Uovo alla Coke

Coke boi, distudar el fogo. Servire freddo.

Che rider, ciò. Ogi umorismo de un certo livel. Aiuto!