Visualizzazione post con etichetta maxino. Mostra tutti i post
Visualizzazione post con etichetta maxino. Mostra tutti i post

mercoledì 27 maggio 2020

Vacanze: i consigli di Nella Ulcigrai


Tratto da "Meio un omo ogi e uno doman", bellissimo nuovo libro di Flavio Furian e Massimiliano "Maxino" Cernecca che trovate in libreria, negozi di souvenir oppure online qua, ecco le mete perfette per le vacanze, consigliate da Nella Ulcigrai po! Qua l'altra anteprima, el kamaresutra.

VACANZE
Una roba che tanto ne piasi a noi babe xe le vacanze. Xe el momento in cui te pol tirar fora tuta ti stessa, e anca un poca de più, se no te se ga depilado tanto ben.
Ghe xe oviamente dele mete più indicade de altre, quele più rilassanti, quele più inebrianti, quele tonificanti e quele pepificanti.

  1. Una volta me ricordo che ierimo in un posto zo per l’Istria dove i te dava de magnar qualsiasi roba. Ma propio robe ufo, con la piria, i fracava. E mi me son trovada tanto ben, per le strade iera sto tiro de fritolin che me pareva de esser a casa. Consiglio vivamente a tute le mie letrici una setimana ale Isole Incoconate.
  2. Un poco fora man, fin in Giapon, me ricordo po de sta cità dove che iera sempre ‘sai ma ‘sai caldo. Per fortuna el mar iera vicin e quindi iera tuti che apena i gaveva un atimo i se butava drento a ciapar un poco de fresco. Mi digo che xe per questo che i la ga ciamada Tokkyo.
  3. Po ghe xe quela tera là in Turchia centrale, sai bela, un poco umida e piovi sempre in realtà. E po co te passi el confin per andar via xe sempre tuti sai servizievoli che i te regala anca la flaida per sugarte. D’altra parte tuti sa che co te esci dala Capadocia te ga de meterte l’acapatoio.
  4. Ma la più bela meta xe sicuramente quela bela cità in America, granda, che la ga un poca de scontrosa grazia propio come Trieste anca ela, solo rivolta sempre ale mame. Quanti bei ricordi a New Yorkamare


E per restar agiornado cole monade, iscrivite ala monadesletter:



mercoledì 12 febbraio 2014

Monon Behavior in radio ai Bombi Inconsapevoli

Qualche giorno fa il Direttore del Monon Behavior Research Department, Diego Manna, è stato ospite in radio ai Bombi Inconsapevoli, con Maddalena Lubini, Flavio Furian e Massimiliano Maxino Cernecca.
Ecco la registrazione degli interventi!
Tutta la puntata la trovate invece a questo link.





venerdì 3 gennaio 2014

Robe che ne piasi: Maxino

Eco, una rubrica del blog sarà: robe che ne piasi.
E una sarà: triestini che merita. Che tante volte le se miscerà, come sto giro.
Maxino ga pena fato un disco, Ciano Mitraglia e il Civapcicio del destino, che se trova in tute le librerie più bobe de Trieste, e anche in qualche altro negozio tipo Music Movies che xe quel tra via Roma e via Milano, a 10 euri. Se trova anche online al link de sora, per dir. Bon, mi penso che 10 euri li stramerita tuti. E penso che tuti quei che ga a cuor i giovani triestini che ga qualcossa de dir e de far de bel per la cità dovessi andar a ciorselo, per sostenerlo. Maxino ga fato più de un cd, xe propio una storia che parti dela prima e finissi con l'ultima canzon, un musical praticamente.
Xe za fora 2 videi de 2 canzoni, desso el farà el terzo (chi che vol partecipar, pol trovarse ale 10 davanti al teatro roman el 6 genaio, qua xe le istruzioni su dove andar e cossa far). Ma ghe tegnivo a mostrarve questo che go pena trovà per sbaio, per capir cossa intendo per triestini che merita. Sto qua xe un video spontaneo de mule che se diverti a cantar le sue canzoni. E no le xe gnanche triestine. Super. Me meti 'ssai alegria ste robe. Brave mule e bravissimo Maxino che fa cantar e divertir la gente. Daghe.