El Grinch

Puntuale come ogni lunedi, eco la rubrica del lunedi: come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood", che trovè in libreria opur comodamente online qua (reclam!)

Eco el film de ogi:

EL GRINCH

Film del 2019 direto da Rognon Howard con Cim Carrey nel ruolo principale.

El Grinch, bruto masgaibero che ghe vol rovinar el Nadal ala gente, se trasferissi nela cità de Trieste. Rivado in Piaza Unità, come prima roba el gira ala riversa la stela cometa, condanando la cità a 100 giorni de pegola, rinovabili anualmente. No contento, el se travesti de Babo Natale, ma in version più cativa: Boba Natale, e l’interceta el Babo Natale vero per tirarghe longhi e farlo deviar a Udine, lassando i triestini senza regali. I triestini però no ga pel cul, perché lori i ga San Nicolò che ghe porta i regali, e no Babo Natale. El film finissi con un primo piano dela cometa ala riversa, che con un grando efeto speciale la se trasforma nel ghigno del Grinch, che el sta preparando la sua vendeta per el seguito del film: EL GRINCH 2: VE DISTUDO LE LUCETE.

E per restar agiornado cole monade, iscrivite ala monadesletter:

Meti qua la mail dei!

Armagildon - pegola finale

Puntuale come ogni lunedi, eco la rubrica del lunedi: come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood", che trovè in libreria opur comodamente online qua (reclam!)

Eco el film de ogi:

ARMAGILDON - PEGOLA FINALE

Film dramatico del 1998. La forza de gravità zuca de bruto una cometa in direzion dela tera. Xe quela de Piaza Unità, che per sta ragion la vien montada ala riversa e la porta una pegola dela malora.
Messa su nel 2019, subito xe rivada una pandemia mondiale.
Nel 2020 ecola de novo, e se va sparadi in zona rossa. Solo l'eroe triestin Gildo, impersonado nel grande schermo da Bruscandolo Willis, rigorosamente in canotiera, dopo mile calcoli quantistici de statica e fluidodinamica el riva a trovar el modo de indrizarla e salvar cussì Trieste e el mondo intiero. 

Otimo l'esordio come atori dei gemei Pian e Ben Affleck e bravissima nela parte dela marantiga Liv Traiber, la fia del cantante dei Aerospriz. 

Ocio: dopo i titoli de coda, ghe xe un'ultima scena, ambientada in novembre 2021, che mostra che la cometa vien tirada de novo su ala riversa, incipit del seguito del film, "La variante Omicron".

E per restar agiornado cole monade, iscrivite ala monadesletter:

Meti qua la mail dei!

Pegola-calling comet in Triest: the correlation between a ribaltated star and a worldwide pandemy

Eh bon ah. Visto che el 22 novembre 2021 xe stada montada de novo la cometa ala riversa e taaaac, el 27 novembre riva la notizia dela nova temibile variante omicron, no resta altro che far un studio scientifico fato ben su quanto sta cometa porti pegola.

Pegola-calling comet in Triest: the correlation between a ribaltated star and a worldwide pandemy
Diego Manna
Monon Behavior Research Department

Abstract
In 2019 a great surprise was made to the triestin people: in Unity Square, for Nadal, there was not only the solit alberets and lucets, but also a big comet of lucets tacated near the sea. There was only a problem: the comet was tacated Upside Down. A lot of people say that this will portar a lot of sazia pegola, but they were not cagated. In the same year, the worldwide covid pandemy started. The aim of this study is to evaluate the correlation between the two disgrazies.

Introduction
The city of Triest is characterized by a lot of important things, like its great scientific background (Hack, 2001), its great cultural background (Joyce, 1923), its rinomated coffee (Illy, 2020), its history and geographic position (Busani, 1974), its Pedocin with separated babe and omeenee (Brusaferro, 2015), its disgraziated tran (Vitaleone, 2021), and a lot of other well conosciuted things dei.
However, there is one thing that is more important than qualsiasother: the alberets and lucets de Nadal. The furlan Sindac Ofsquare introduced them in 2001 and from that year nobody could cambiar them without risking his life. In 2011 the new sindac Cosoleenee tried a different solution, but the tree was too spelachiated (fig. foreveralone) and the city started a revolution.

fig. foreveralone

The seguent years he tried to rimediate with light and sound modern spectacles over Cheba Palace, but it was all inutil: people was ancor incazated and wanted back the alberets and lucets, and so Ofsquare won again.
Then, in 2019, Ofsquare decided to make the greatest triestin Nadal of all time, introducing a big surprise: the comet. Unfortunately, they montated the comet Upside Down, i.e. ala riversa, i.e. ala versari (fig. UpsideDown).
The reason seems to be the bora wind, that is not strong enough to affect the construction of an ovovy, but is too strong to tacate drite a comet.
However, the great problem of a ribaltaded comet is that... people say that it ciamates a lot of sazia pegola and nera.
We will investigate if the comet ciamate nera per bon.

Fig. Upsidedown.

MATERIALS AND METHOD

To investigate the pegola power of the comet, we use the "complottist mouse sbisighing highly scientific research method", that consists in being sentated davant al computer possibly scratching the panza with one hand, while navighing with the other hand in sites like bryoblurocchettalaleggera or monade.altervista.org or inelastacazando.it or sveiabauchi.tv or zerpuz.ts or triestecafè.

RESULTS 

We found a lot of evidences that the comet calls pegola: 

- In 2019, while the comet was being tacated, contemporaneament in a market in Wuhan (China) an old marantiga magnated a barbastel. The correlation between the two facts is well dimonstrated by Lorenz's theory: "Può il batter d'ali di una farfalla in Brasile provocare un tornado in Texas?", that translated in triestin sounds like "Pol una cometa tirada su ala riversa a Trieste provocarghe un ataco de fame a una baba in Cina?". The answer is yes. 
From that barbastel the covid pandemy began.

- In 2020, there was a short period in which the pandemy seemed gone to remengo. But the comet was in agguate. In fact, the sindac Ofsquare decided to anticipate the alberets of Nadal in October, when in Triest there was ancor the summer (fig. mulones).
Contemporaneament, for the solit effect of the farfall and the tornad, in India the temible variante Delta was born. And Italy soon went to second ondate, red zone, coverzifire ecc...

Fig. mulones. Nadal alberets in October 2020.

- In 2021, the disgraziated comet has been tacated on 22 November. On 27 November, in the first page of the newspaper of all the world, there is the new Omicron variant and the Friuli Venezia Giulia will be yellow the next week. Eh bon ah.

- While watching old prohibited uncut films in the dark web, we found this hidden photogram in the famous "L'armata delle tenebre", that came out when the protagonist said "Klaatu Barada Nektar".

We think this is the most evident evidence that something's gone wrong.

CONCLUSION
The correlation between the comet and the pandemy seem to be evidentissim. It calls a lot of pegola and must be indrizated as soon as possible.
We also are a little preocupated for the mulones in fig. mulones. Are they well? We hope they're not under some pegola effects of the comet.

REFERENCES

We used to make also this bibliographic section, but we noticed that the real modern scientist don't have pel cul the references, the citations, the published papers and similar monadines that are good only for the old-mainstream-false-dinosauric-professorons-solons-slave-of-the-system science.

E per restar agiornado cole monade, iscrivite ala monadesletter:

Meti qua la mail dei!

I Ponti de Ponterosso County

Continua la rubrica dedicada a come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood", che trovè in libreria opur comodamente online qua. 

Eco el film de ogi:

I PONTI DE PONTEROSSO COUNTY

Film romantico del ‘95 con Meryl Spriz e Clinz Eastwood.
Xe la storia del’amor impossibile tra do veci, che vivi propio visavì un del’altro e ogni sera i se cuca del pergolo e i se manda baseti.
Solo che in mezo fra de lori ghe xe el canal de Ponterosso e i ponti xe tuti a remengo.
Un giorno i vedi dei operai costruir un ponte propio là in mezo, ma ala fine el xe tropo curto. Qualche ano dopo altri operai i zerca de sistemar el ponte vizin al mar, ma i lavori se ferma anche là subito.
Ala fine Meryl Spriz ciapa coragio e la decidi de atraversar el ponte principale ma, ormai in piena demenza senile, la se inamora dela statua de James Joyce e là la resta.

E per restar agiornado cole monade, iscrivite ala monadesletter:

Clinzhanger - l'ultima sfiga

Continua la rubrica dedicada a come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood", che trovè in libreria opur comodamente online qua. 

Eco el film de ogi:

CLINZHANGER - L'ULTIMA SFIGA

Sula Napoleonica vien fora pupoli per via che i muloni che rampiga ga trovado un nido de cocai che i se diverti a darghe becade in testa per fregarghe la marenda. Silvester Cavalo Zelante, per i amici Clinzhanger, prova a sconder el suo panin de porzina ma un dei cocai più pici riva a darghe un do becade, morindo invelenado in do secondi per via del cren.

Clinzhanger per el senso de colpa no el rampiga più, e la volta che i muloni lo ciama in osmiza de Verginela el ghe disi che el vegnirà su con la nova ovovia.
El ciapa l’ovovia e el se ritrova a Campo Romano, in mezo al niente, e no ghe resta altro che andar a Contovel a pie. Co el riva, l’osmiza xe za serada de do ore e, nel’ultima scena del film, se vedi un cocal che lo varda de storto, incipit del seguito CLINZHANGER 2 - LA VENDETA DEL COCAL. 

E per restar agiornado cole monade, iscrivite ala monadesletter:

  

Non stampati online presso Pressup stampa online.

Ovovia + Bora = Best green project 2021

Eh niente, i progettisti fanno i timidi così tocca a noi rivelare alla città il vero progetto d'avanguardia sconto nell'ovovia. Doveva essere una sorpresa ma... noi ve contemo!

Nei giorni di Bora, l'ovovia non rimarrà ferma, come precedentemente dichiarato.
I oveti cole lucete saranno infatti sostituiti dalle careghe della giostra calcinculo e, grazie alla rotazione di centinaia di careghe energetiche, il tutto produrrà una quantità di energia pari a 13.000.000 dG (decaGarse, unità di misura da poco introdotta nel mondo della scienza), come da pupolo esplicativo.

Il progetto sai roba è stato awardato (cioè premiado, ma in modo ancora più cool) con il Best Green Project 2021 destinato alle robe decagarse.

Bravi tutti!

E per restar agiornado cole monade, iscrivite ala monadesletter:

  

Spriz game - sfida al'ultimo spriz

Continua la rubrica dedicada a come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood", che trovè in libreria opur comodamente online qua. 

Eco el film de ogi:

SPRIZ GAME

Una clapa de lori de diversa estrazion sociale, ma con do carateristiche compagne: esser cisti e bever come ludri. Sburtai dala disperazion e dala sede, i aceta de impegnarse in una serie de prove sempre più dificili, che prevedi però sempre un consumo fora scala de alcolici. Chi che finissi in coma etilico vien eliminado e ga de pagar el conto. Giorno dopo giorno, prova dopo prova, riva a sopraviver solo le meo bobe, che sa superar i postumi dela bala a oci serai e che resta in gara per el premio finale: un intiero bar tuto per lori.

‘Sai roba le scene de bevude a colo, ‘sai cruda (e quindi no per fioi) la scena in cui i muloni se buta sul’unico piatin de patatine butado là in mezo dai organizadori del zogo. Meo impizar i sototitoli: el bever come pirie porta i atori a inverigolar le parole, squasi come se i parlassi in corean.

E per restar agiornado cole monade, iscrivite ala monadesletter:

  

Trova il cantiere, la nuova idea per l'animazione dei veci deTrieste

Interessante oggi su Triesteprima il commento del sindaco Dipi sulla chiusura di Piazza Unità. In pratica rivela in anteprima il nuovo piano comunale per l'animazione dei veci de Trieste: il programma TROVA EL CANTIER.

 

Dopo l'ottima idea di rendere permanenti i cantieri del tram de Opcina, della piscina terapeutica, del canale di Ponterosso e dell'ex caserma di Roiano, gli anziani triestini si trovavano infatti da una parte rinfrancati nell'animo, ma dall'altra un po' troppo rilassati nel fisico, già sapendo dove andare a vedere i lavori.

X questo, il primo cittadino ha ideato questo belissimo programma di animazione geriatrica, "Trova el cantier". Ogni tot tempo un cantier diverso, a random, in posti a sorpresa. Ovviamente il lancio con il primo cantiere a sorpresa è stato fatto da Piazza Unità, X dare massima visibilità alla nuova iniziativa.

Ogni mattina l'anziano cittadino triestino si sveglierà e saprà che dovrà correre più veloce de quei che sposta i cantieri X rivar a vederlo.

Già pronto el manifesto X la reclam:

E per restar agiornado cole monade, iscrivite ala monadesletter:

  

I film di Triestewood: Nightmare before Christmas

Eh bon gnente, incomincia ogi una belissima rubrica dedicada a come saria i film se invece de Hollywood gavessimo Triestewood. 

Che poi xe quel che conta el bel libro "C'era una volta a... Triestewood". Sì bon ghe femo un poca de reclàm, ovio! 

Lo trovè za in libreria opur comodamente online qua. Tra l'altro i primi dieci che lo ciol online ciapa in regalo anche una copia de "The origin of Nosepolis". 

Grasso el dindio!

Eco el film de ogi:

NIGHTMARE BEFORE CHRISTMAS

El re dele zuche Drek Skeletron mola la cità de Halloween per andar a veder la festa dela zuca a Venzone. De strada el se ferma a Trieste per veder i albereti e le lucete de Piaza Unità, che i ghe ga dito che xe ‘sai bele. 

El se acorzi però che la stela cometa xe montada al contrario e el comincia a far un dei soliti baleti che se vedi sempre in sti film. Solo che in contemporanea ghe xe el valzer in piaza che prova a bater el record de partecipanti, e el baleto de Drek Skeletron incasina tuto. 

Fortunatamente riva Dipiazza che lo ciapa pel bavero e salva el valzer. 

Ma el giorno drio, Drek Skeletron se vendica rubando tuti i albereti e rovinandoghe el Nadal ai triestini. 

E la cometa storta? No, quela la lassa là, perchè la porta sfiga.

E per restar agiornado cole monade, iscrivite ala monadesletter:

  

5 cose da non fare in Friuli

 Eh niente, una bona notizia per i triestini che bagola per el Friul: eco la guida per no far bianche e tornar sani e salvi: 50 cose da non fare in Friuli :D

Qua ne anticipemo giusto 5:

Trovate il libro in libreria e anche online qua :)

E per restar agiornado cole monade, iscrivite ala monadesletter:

  

119 anni di Tram de Opcina

Ogi el tram de Opcina studassi 119 candeline.
Solo che el xe distudado de zinque ani ormai, alora tocherà spetar ancora un poco per poder far festa.

Bon intanto alora ve contemo sta qua:

El prossimo ano, per i suoi 120, vegnirà fora el zogo "Tachite al tram". Eco una picia anteprima dei "lavori in corso". No, la grafica oviamente no sarà cussì, no preocupeve :D

Come sarà, come funzionerà?
Eh eh, per adesso no ve disemo gnente. Sarà un zogo pien de marantighe, bobe, lole, mocolosi e spuzolenti. E oviamente... pien de DISGRAZIE!
Bon dei semo cocoli, ve contemo giusto el sunto:

Sei alla guida dello storico “Tram de Opcina” di Trieste. Costruisci il tuo percorso tra le fermate, trasporta più passeggeri che puoi tra i capolinea di Piazza Oberdan e Opicina e sarai eletto “frenador dell’anno”! Ma non pensare che la tua missione sia così facile, i passeggeri si lamentano e mille insidie ti attendono... ricordati sempre che “El Tran de Opcina xe nato disgrazià”!

Ben bon, stè tunizai che presto cominceremo cole anteprime!
La domanda xe: riverà prima el zogo o el vero tram de Opcina?

E anche el tran de Opcina xe nato disgrazià
Doveva za partir, e ancora el xe blocà
va lento de cagarse, e tuti zo a far viz
nissun no ga capido che quel va avanti a spriz.

E daghe la bora che vien e che va
i disi che el tran qua xe nato disgrazià
Xe fermo de ani, xe zinque za passai
e caro Cogoi, semo anche cagai.

Nuove luminarie per la Galleria Foraggi

E gnente, intanto che tuti ciacola de riparar i busi dela galeria, eco che per intanto noi gavemo risolto el problema del'iluminazion, tirando fora la cometa storta che ga portado tanta fortuna in ste due otime annate 2020-2021 :)

A cossa la servi? Eh bon, intanto la porta ben. Po se xe ciaro te ga più facilità a schivar la ioza. 
E, ultima roba ma sicuramente la più importante, soto Nadal se pol far el presepio in Galeria, che xe un grande atratore de turisti!

E per restar agiornado cole monade, iscrivite ala monadesletter:

  

Sala Tripcovich, in arrivo il monumento alla chiavetta usb

 A poche ore dalla notizia della ormai sicura demolizione della Sala Tripcovich, ecco già l'indiscrezione sulle intenzioni del Comune di Trieste per valorizzare l'area: dopo il porta-cd di Piazza Goldoni, ecco commissionato al medesimo artista il meraviglioso monumento alla chiavetta Usb.

"Abbiamo chiesto all'artista di raffigurare una gallina con due teste," racconta l'assessore ai strafanici Fazo Nademo, "e quando il mato ci ha sparato il prezzo, gli abbiamo detto che va bene con una testa sola per metà dei bori, insomma gliela gabbiamo cazzata alla grandissima e di questo nostro trapolezzo la città deve andare fiera".

Non mancano tuttavia già le polemiche. "Ancora una volta la giunta comunale si rivela vecia boomer dentro e fuori dai tempi," dichiara il consigliere di opposizione Tiro Polipu, "Gnanca tirato suso sto monumento è già obsoleto. Chi dopra ancora le chiavette usb? I tempi sono cambiati, avrebbe avuto più senso un monumento a wetransfer o Googledrive".

E per restar agiornado cole monade, iscrivite ala monadesletter:

  

Toto Topolini, i risultati in anteprima assoluta

E niente, tra poco parte #tototopolini, la piattaforma partecipativa con cui verrà assegnato ciascun topolino di Barcola a un personaggio votato dai triestini.

Ma il nostro Stroligo Department, esperto conoscitore della volontà popolare triestina, ha già i risultati in anteprima. Ecco a chi saranno dedicati i dieci topolini di Barcola:

1. Primo Topolin. Che xe el nome del mato. Primo de nome e Topolin de cognome, per bon.

2. Benedetto Friuli. Questo i lo ga assegnado de uficio perchè se no la Regione no ghe dava fondi al progeto. Xe sai probabile che nissun triestin meterà più pie al secondo topolin.

3. Rosa Panzademoniga. Qua i disi che no se ciaperà tanto sol.

4. Vasco Resando. Bon va ben dei sta qua ga quasi stufado.  

5. Micol Muss. Grandissima amica de Ticol Tram, meno famosa.

6. Lino Leum. Che i foresti insisti a pronunciar Linòleum.

7. Checco Ioni. Che xe stado el più votado, no se sa ben se per scelta o se perchè la gente rispondeva cussì ai intervistatori.

8. Mia Marecossa. Qua gira gente poco racomandabile.

9. Bruce Candoli. Perchè xe giusto assegnarghe un anche ai foresti.

10. Ultimo Dei Mona. L'ultimo topolin no podeva esser che assegnado a lui.

E per restar agiornado cole monade, iscrivite ala monadesletter:

Il Comune di Trieste assume grampacartei

Partito il bando per l'assunzione di 100 grampacartei, nuova figura professionale fortemente voluta dal Comune di Trieste, da sempre alla ricerca di nuove idee per ridurre il tasso di disoccupazione. 

"Una roba xe no gaver voia de lavorar," dice l'assessore al lavoro Gadorpomi, "che xe anca giusto perchè no semo furlani, una roba xe invece esser disocupadi, che xe pecà."

 

Così ecco pronti questi nuovi posti di lavoro, resi fondamentali dopo l'egregio lavoro notturno degli altri 50 nuovi posti di lavoro, i "svidacartei", che operosamente stanno svitando i cartelli già presenti.

"Ogni vida ghe cava lavoro a una persona," tuona il sindacalista Meborida. "Ben venga questa iniziativa volta a restituire all'uomo ciò che el cazavide ghe ga ciolto".

"L'unica vida bona xe quela dela vinaza", chiude il quadretto l'oste Smizao, che passava là per caso.

Nelle foto, due dei nuovi grampacartei appena assunti mentre svolgono entusiasti il loro nuovo lavoro.

Sotto, il video ammonitore di cosa succederebbe se non ci fossero queste nuove importanti figure professionali.

E per restar agiornado cole monade, iscrivite ala monadesletter:

Riparti el calcio a 7 - la convocazion

Eh bon, sta per ripartir el mitico calcio a 7 amatoriale triestin, e ne par el momento giusto per sta anteprima del libro "Mati drio el balon" de Giuseppe Vergara con pupoli de Chiara Gelmini.

La classica telefonada organizativa per zercar de esser in 7...

Conversazione telefonica 

Caio - baloner

Sandro - baloner

Caio: Pronti?

Sandro: Pronto? Caio, son mi.

Caio: Sandrin, grande!!! Come xe?

Sandro: Solito... scolta zoghemo el giorno oto ale nove.

Caio: L’oto ale nove... mmmm...

Sandro: Te pol?

Caio: Sì, sì... posso. E dove?

Sandro: Borgo bassa.

Caio: Contro?

Sandro: Bar Gino.

Caio: I xe boni?

Sandro: I ga sei punti meno de noi ma due partide in meno.

Caio: Bon meno mal che i xe più cisti de noi, dei. No go ‘sai voia de ciapar un sopa come l’altra volta.

Sandro: Sì ma varda che i devi recuperar coi ultimi e i penultimi, per cui se pol dir che i ga i stessi punti nostri perchè i vinzerà sicuro. Poi i ga perso un due partide perchè ghe mancava gente.

Caio: E chi xe che gioga con lori?

Sandro: Alora, davanti i ga Lorenzi.

Caio: Urca mare! Chi, Massimo?

Sandro: No, su fradel, Franco. ‘Ncora più bon de Massimo.

Caio: Su fradel? Ma no el zoga in prima categoria?

Sandro: El zogava se vedi, se ‘desso el xe qua vol dir che no’l zoga più.

Caio: Vaca mare! Quel el fa camera e cusina de noi.

Sandro: Bon dei, ghe piazemo Ciccio tacà come un francobolo tuta la partida. Ghe disemo de no molarlo mai gnanca co’l va a pissar e te vederà che la gaverà dura anche lui.

Caio: Ciccio? Ma cossa te son mona???

Sandro: Perchè?

Caio: Ma ara che el mato se lo magna a merenda. Lo go visto zogar.

Sandro: Ciccio xe ultimo omo per cui el se marca la loro punta, no xe che podemo inventarse ‘sai robe diverse.

Caio: Bon scolta, penseremo co saremo là. Xe altri fenomeni? Spero de no perchè za questo basta e vanza.

Sandro: In porta i ga un mato turco.

Caio: Ma chi? Quel picio e grosso che gavemo zogà contro st’estate?

Sandro: Esato.

Caio: Porca mare!!! Quel minimo zogava nel Galatasaray co iera zovine. Ma perchè un maritimo turco zoga col Bar Gino?

Sandro: No el xe maritimo, mona, el lavora de Bar Gino.

Caio: El turco? El portier?

Sandro: Sììì, dei!!! Lo go visto mi, iero a bever un cafè, l’altra matina.

Caio: Un cafè in bar Gino? E coss’te fazevi? Spionagio pre-partida?

Sandro: Ma no, mona. Passavo de là per caso. Fa conto, che co dovevo pagar, el turco ghe ga chiesto a Gino quanto vien un cafè normale. Se vedi che fin a quel momento gaveva fato solo cafè coreti.

Caio: Te credo! Bon giro de fenomeni in quel bar. Scolta, e chi zoga ancora con lori?

Sandro: L’unico ancora che so xe Rioda.

Caio: Rioda? Quel che zogava col San Luigi?

Sandro: No, che sapio mi el zogava col Ponziana.

Caio: Mmm... ma in campo a sete con chi el zogava?

Sandro: Con Feramenta Rizzi e con Pizeria El Covo me par.

Caio: Ma el xe de Servola?

Sandro: Nooo!!! Sangiacomin come mi. Lo vedo co vado a far la spesa in coop.

Caio: Ma el xe amico de Zana e Roby Timbro?

Sandro: Boh? Mai visto con lori.

Caio: Bon me arendo, dei. No go alba de chi che sia. El xe bon, o no?

Sandro: Dovemo sperar che prima de zogar el passi in bar Gino a beverse un diese spritz perchè se el xe sincero xe forte anche lui.

Caio: ‘Soma se zogavimo col Real Madrid iera meio, dei.

Sandro: No stà esagerar, insempià.

Caio: Ma parlemo de noi, piutosto. Chi semo? Mi, ti, Ciccio e... Roby el vien?

Sandro: No’l pol, el lavora.

Caio: Ma cossa el se ga messo de novo a far turni de note?

Sandro: Se vedi che el xe curto de pila.

Caio: Mario Ladro vien?

Sandro: No. Domenica el se ga stirado zogando a basket con su fio.

Caio: E vaca mare, ma semo almeno in sete?

Sandro: Tranquilo, forsi rivemo esser anche in oto, cussì rivemo far anche un cambio. Vien anche Biofa.

Caio: Biofa??? Ma se l’ultima volta che el ga zogà balon iera Obama presidente. El sarà in forma smagliante propio...

Sandro: Eh bon dei, un in più ne fa solo che comodo.

Caio: Ma sì te ga ragion. Te lasso che go de andar. Se vedemo in campo. Stame ben, ‘dio Sandrin!

Sandro: ‘Dio Caio e no sta far tardi come al solito. Me racomando.

Riverà Caio a no perderse la partida?

Questo e altri misteri del meraviglioso mondo del balon a 7 triestin su "Mati drio el balon", in tute le librerie e negozi più boba de Trieste e dintorni nonché online nela botega dei libri triestini.

 

E per restar agiornado cole monade, iscrivite ala monadesletter: