Gnente, colpiti positivamente dala notizia che nosepol far muzicheta dopo le 22.30, proponemo ulteriori nosepol a servizio dela citadinanza.
Gavemo scrito tuto a computero stando tenti a strucar pian i botoni e comunque entro e no oltre le 21 perchè dopo gavessimo disturbado la quiete publica.- Nosepol far muzica dopo le 22.30. Ma anca prima dele 22.00 un poco ne sta sui bobi che la gente magna no ste frizer dei con sto unz unz bimbidi bombidi gnagnagna.
- Nosepol ciacolare a vose alta tanto comunque parlè solo che monade dei. Vardeve intei oci però no ste sbaterli tropo forte che fa casin.
- Nosepol far cincin che tuti sti biceri de vetro co sbati fa sto tlintlin che ne fa vegnir mal de testa.
- Nosepol bibite in latina che co te le verzi le fa quel rumor ccch che me fa ciapar un colpo apocapletico.
- Nosepol biceri in plastica che co te li struchi i se rompi fazendo quel creck che ogni volta robe che me la fazo intele braghe de paura.
- Nosepol fumar ma no per via che el fumo fazi mal perchè una volta se fumava anca ma no fazeva mal come desso perchè iera meo. Xe che desso (che xe pezo de co se stava pezo) i spagnoleti no te li impizi più coi fulminanti ma con quei impizini che co te li dopri i fa quel rumor cch cch che xe anca più fastidioso de quel dele latine. (Anche i fulminanti un poco ne dava fastidio comunque).
- Nosepol vegnir in coriera nei loghi dela movida ma no per via che la coriera fazi mal, ma perchè co te ga de ciamar la fermata te ga de strucar el boton che fa quel "plin!" tutintun che ogni volta me ciapa un altro colpo apocapletico.
- Nosepol vegnir in bici per via che dopo fe le bobaze tirando strichini e fa casin.
- Nosepol andar a dormir cole galine perchè anche se xe presto comunque te le svei e le fa scagacchio e quindi le disturba.
- Nosepol far una lista de diese nosepol perchè dopo i ne disi che semo nosepolisti e invece noi semo propositivi e a tutela dela libertà de tuti: SE POL FAR CHE NO SE POSSI.
 |
| Solita imagine dela movida rubada a Andrea Rodriguez (fazendo pian per no disturbar) |
Momento finale reclam: e per chi che xe curioso de saver de dove nassi el Nosepol, ricordemo che el libro giusto xe "The origin of Nosepolis", nele librerie più bobe e online qua!
"No xe pol" eser mulo de gita e romperghe i cojo@i a i altri senza acetar che qualche altro te rompi a ti.Cussì, coccoli, disene dove che sta el vostro sior pare e la vostra siora mamma che se ne tira,podesimo 'ndar a le tre de note soto la casa de lori con pignate,farsore e caziul e farghe una sonada . Tanto no i se rabierà sicuro se i xè materani come vualtri anzi, i sarà 'ssai contenti quando i saverà che ste robe la fa anca su fio che xè tanto, bon, tanto bravo che anca zia Cati che xè sufistica ghe vol tanto ben. Una roba, scuseme, no capisso! Perchè scrivè 'muzicheta' e no 'musicheta'?Forsi xe roba de qualche festa popolare in zona blù?
RispondiEliminaAnca a mi no ve va 'muzicheta', ma se vedi che scriver 'musicheta' no se pol. Ma se dopo una bireta fazzo ruttin, se pol o no? Siora Franca come la pensa?
Eliminarutin no se pol perchè anca se el ga frequenze basse che no se lo senti de vizin, se lo senti de lontan perchè el scassa tuto, come el basso nei concerti rockenrolle apunto.
Eliminamuzicheta xe quela moderna unz unz unz unz bibibibi bibibibi unzebbasta, che xe diversa dela musicheta che invece xe quela bela che gaveva apunto dignità de musicheta!