'/>

lunedì 3 dicembre 2018

San Nicolò: le 10 lettere imperdibili

Bon ah, manca 3 giorni a San Nicolò. Ricordeve che xe sceintificamente dimostrado che a Trieste xe San Nicolò che porta i regali, e no Babbo Natale :D
Gavè za scrito la leterina? El nostro dipartimento de intercetazion ghe ne ga za becade un 10 al volo. Ecole!

  1. Caro San Nicolò, portime un pochi de panolini, che gavemo bisogno. [C. Cogoi]
  2. Caro San Nicolò, te prego, basta toponi de gomma. [Mustaca]
  3. Caro San Nicolò, me servissi una scorta de altri 100 di questi giorni. [Roby Ofsquare]
  4. Caro San Nicolò, se te rivi portime una zavata che la go persa e mia mare xe anni che me cori drio come mata. [Gigi Pirola]
  5. Caro San Nicolò, te me rispondi sempre volentieri, ma dopo no te me porti mai un clinz.. Dei, almeno un poco de carbon dela Feriera. [Paul Noseh]
  6. Caro San Nicolò, portime quel zogatolo cola caseta a forma de panocia. [Un furlan]

  7. Caro San Nicolò, portime un do botoni novi per la camisa perchè i me se ga sbregado tuti. [Marisa]
  8. Caro San Nicolò, portime le pirole che xe anni che me trema sempre un poco el cul. [V. Busani]
  9. Caro San Nicolò, portime quel belissimo zogo BARKOLANA con anche l'espansion MATI PER BARKOLANA perchè bevo 'ssai lasko e go sentido che anca ai velisti ghe piasi 'ssai lascar. [G. Reclam]


  10. Caro San Nicolò, portime The Origin of Nosepolis, el novo belissimo libro dela serie Monon Behavior. Te prometo che anderò ala presentazion uficiale martedì 4 dicembre ale 18.30 al MushrooM Bar, in via San Maurizio 4/b a Trieste!

11. Caro San Nicolò, se proprio te me vol regalar altro... beh, xe Sisì, Ottone e la cantina musicaletriestini e napoletaniFRICORadiodrammi di coppiaL'osmiza sul mareel pedocin, Mirella Boutique, L'amor al tempo del refosco, Tergeste, El libro dele risposte triestine, quel dele risposte furlane... :)





Nessun commento:

Posta un commento

Disi la tua, ale!