lunedì 28 dicembre 2020

Vaccino anti-covid: la ricetta segreta

Vaccino anti-covid: quale la ricetta?
Eh niente ah, visto che tuti domanda, noi semo andai a far la ricerca de quala xe sta ricetta segreta del vaccino anti-covid.
Oviamente no gavemo domandado ai centri de ricerca/università perchè xe tropo impegnai drio monade, noi se semo rivolti ale istituzioni serie: l'Università dele nagane, che sicome no gaveva voia de lavorar se ga rivolto al'Università dei furlani, che ga lavorado soto atenta osservazion (cole man drio la schena) del'Università dei Veci.

Ma sicome el responso ne pareva ancora tropo serio e sopratuto soto alto ris'cio coruzione concussione complotista dei poteri forti che per futizar i risultati ghe ga promesso:

-  ale nagane el 5G per vardar meo i pornazi;
- ai furlani le scie chimiche per coltivar meo le panoce; 
- ai veci el mercurio nele vene che ga efeto viagra

alora ala fine se semo rivolti al'unico vero istituto atendibile incorutibile: l'Università dela strada, soto l'atento sguardo inquisitore dei scerifi de feisbuk.

Eco quindi la ricetta del vaccino anti covid:

70% brinjevec - principio attivo
10% lasko pivo - favorissi la diuresi e l'eliminazion dele tossine
10% union pivo - par condicio per evitar pupoli con la lasko
5% teran - colorante
5% cren tritado - vanzava spazio nela riceta e i lo ga zontado cussì, no se sa mai, meti un mal de note.
10% maieta dela salute tritada

Sì, savemo, fa el 110%, ma al'Università dela strada za i xe dotori, epidemiologi, comissari tecnici, architeti struturisti, curazologi e jebemtologi, no i pol miga esser anca matematici dei.  



Bon desso che savè el segreto no steghe dir a nissun per via che i ga dito che xe quele robe che fin che xe segrete funziona e invece co sa tuti va a remengo!


E per restar agiornado cole monade, iscrivite ala monadesletter:


Nessun commento:

Posta un commento

Disi la tua, ale!