Il Natale triestino 2020

 Puntuale come el volentieri in una botega triestina, eco le diese robe de far in sto Nadal 2020:

Pupolo di Sara Paschini dal belissimo calendario "A Trieste volentieri"

1. Zercar de no parlar del Covid. Ah remengo, ecolo za nominado al punto 1 ciò!
2. Lamentarse che salta el pranzo coi parenti. El stesso pranzo de cui però l'anno scorso ve lamentavi e che speravi che saltassi.
   Meditarghe sora e capir che questo xe el classico paradosso riassunto dala sageza popolare del "se stava meo co se stava pezo".
3. Aprofitar del coprifogo (anzi, "coverzifogo") per andar de scondon a indrizar la cometa portapegola e salvar el 2021.
4. Far la bobaza so-tuto-mi col calendario dei giorni giali, arancioni e rossi perchè tanto te son abituado de anni con quel Udevalla che in quanto a casin e colori ghe da straze (vedi foto).
   
   
   
   
   
5. Organizarte come ogni anno per tempo per andar a cior i regali. E quindi sveiarte el 24 dopopranzo rendendote conto che però sto giro xe tuto serado perchè xe za zona rossa. Ma bon, tanto el pranzo salta!
6. Ciapado de tropa solitudine, andar de Zazeron che xe verto, e far un rebechin che val come pranzo de Nadal al reparto salumi coi altri presenti.
7. Ciapar la multa per assembramembro perchè un dei presenti de Zazeron ga fato la foto e la ga messa su "Diventa anche ti un scerifo de feisbuk".
8. Se te son vecio: domandarghe "e ti inveze, quando te se sposi?" a qualche cocal che farè finta che sia un vostro nipote che vedè una volta l'anno.
9. Se te son giovine: slongar la man in direzion de qualche cocal sperando che el ve moli 50 euri de scondon come i nonni.
10. (reclàm): Farte una bela partida a Barkolana che te se ga pena fato portar in oferta a domicilio a soli 10 euri scrivendoghe a manna@bora.la:
    operativa di nuovo la consegna a domicilio del gioco BARKOLANA, completo di espansione MATI PER BARKOLANA, al prezzo di 10 euro (il prezzo normale dei due giochi è di 30 euro), pagamento in contrassegno (anche con POS col cashback ciò). Chi fosse interessato a riceverlo a domicilio scriva una mail a manna@bora.la indicando l’indirizzo di consegna. Consegneremo tendenzialmente la mattina dopo. L’offerta è valida solo all’interno del Comune di Trieste.
    
    
    
    
    

E per restar agiornado cole monade, iscrivite ala monadesletter: