'/>

venerdì 30 settembre 2016

Generatore automatico di commenti triestini

OSSIMORO
I triestini, se sa, xe pigri.
Alora gavemo pensà che iera un'idea cocola far un generatore automatico di commenti triestini in modo che i possi comentar le notizie de facebook senza far fadiga.
Solo che el generatore triestino automaticamente gavessi generà che no el ga maroni de generar.
Alora femo noi un elenco e cussì dopo basta linkar sto elenco al posto de scriver tuto el comento.
Ne par useful. E cussì el triestin ga più tempo per andar a Barcola.

Eco qua un pochi de comenti validi per tute le ocasioni, partindo dai classici fin ale robe più moderne, overo quele più giovani, overo quele dei veci un poco meno veci.

  1. Trieste no xe per bici
  2. No xe più la bora de una volta
  3. Se stava meo co se stava pezo

    e fin qua, xe boni tuti...
  4. Mah, pol anche sembrar cocolo, ma ocoreva?
  5. I schei per ste cazade se trova sempre ah???
  6. Bastassi che quei mone multassi tuti quei in dopia in via carducci e dopo te vedi, altro che Montecarlo!
  7. Mi no capisso quei mone che multa la gente in dopia in via carducci. Ciò per 5 minuti, 'ndemo dei!
  8. Sicuramente colpa del ciclista. Propio ieri un me ga taià la strada e robe che lo stiro.
  9. No son razista, però de mezo ghe xe sempre un [inserire etnia/categoria qui]
  10. Trieste xe una cità morta e de veci, no xe più el morbin de una volta
  11. Basta con sta movida. Xe sempre casin e dopo xe tuto sporco
  12. I muli desso no sa divertirse senza darghe fastidio ai altri. Ara là, al'una de note a cantar viva l'A e po' bon in via torino. Co go un atimo de tempo ve conto de co ierimo giovani noi, che rubavimo l'alcol nei negozi per dopo andar a beverlo de sconton guidando imbriaghi fin Sistiana in retro controman sparandoghe ai usei col s'ciopo che ghe gavevimo inculà a Toio... e dopo via pescar branzini in riserva de Miramar cole bombe... e dopo tapa in pronto socorso che un de noi iera sempre in coma etilico... che ridade co se iera putei... ma sempre con gran rispeto e senza mai disturbar nissun, no come desso.
  13. Le comesse e i negozianti triestini xe ranzidi e ga el cul pien, i merita de serar
  14. I ga serà un altro negozio storico de Trieste. Ma perchè nissun fa niente???
  15. Via San Nicolò morirà
  16. Via Torino morirà
  17. Via Mazzini morirà
  18. Via Mazzini risorgerà come in tute le grandi cità europee moderne
  19. Cossa anche el bus per le bici? I ga volù le biciclete... che i pedali!
  20. Ara che tristeza, tuti i alberi i ga taià, delinquenti incapaci, sempre pezo.
  21. Pazesco. Manutenzion zero e dopo riva la prima bora e l'albero me xe cascà sul'auto.
  22. Solo mi me fa cagar?
  23. I podeva far qualcosa de utile per la cittadinanza piuttosto
  24. Sì ma xe no te sà scriver in triestin allora scrivi in italiano che sè meo.

    TOP FINALE
  25. Le robe o se le fa ben o xe meo no farle
    (che xe l'anticamera del no se pol spaciada per sageza)

6 commenti:

  1. Per mi scrivi ste robe per insempiar la gente (savé tuti chi stago citando!)

    RispondiElimina
  2. ma co iera ancora Austria no iera sto casin

    RispondiElimina
  3. Mi zonteria altri loghi comuni che se senti ancora in giro:
    - Carne bona come in Zona Bi no se la trova de altre parti, gnanche pagarla oro.
    - A Trieste no xe più ricreatori col calceto, el tavolo de pinpong e el zitolozotolo in giardin.
    - Co vado a scola in coriera, monta veci che i spuza de caffelatte, aio, trapa e mentine tutto insieme. Se i rutta, i te correggi un caffè.
    - Co xe zima, i capoti de le vece spuza ancora de naftalina.
    - Un ninpa de docru e un troli de cobian soto le fresche frasche. Una figada, ioc!
    - In ogni caso, me ga ditto el dotor, xe meio le patate che l'epatite. De più no so.
    'dio muleria!

    RispondiElimina
  4. Se volè, go altre monade in serbo.
    Me dispiasi che no le go in sloven, croato, bosniaco, ecc.
    Solo in serbo.
    'dio.

    RispondiElimina
  5. sti mone de cinesi i se ga ciolto tutto el borgo teresiano... i xe tutti uguali... e pò co' i mori no se sa dove che i va a finir... ma gavè mai visto un funeral de un cinese? per mi i finissi nei involtini primavera... (Sandro)

    RispondiElimina
  6. Da questi i ga fato anca el bot de Telegram: @triestin_bot ��

    RispondiElimina

Disi la tua, ale!