'/>

mercoledì 30 agosto 2017

Trièst, ogni lassada xe persa

Niente, finalmente per la nostra rubrica Monon Behavior in The World, articoli scientifici veri che ne ruga no gaver scrito noi (tipo i pipistrei pompinari o i pinguini cagoni... bon insoma li trovè tuti qua), presentemo un articolo scientifico dedicado a Trieste.

Ne piasessi dir de gaver capido qualcossa, ma visto el nostro background etologico/monadistico, se no se parla de scoiatoli pipaioli o formigole scazade no capimo un clinz.
Cussì un nostro amico nerdone ne ga spiegado che:

"I proponi un metodo per far una stima de un certo indice legado ai grafi (una rapresentazione astrata del'informazione) che ga certe proprietà computazionali interessanti."

Ah.
Figo.

Bon insoma dei, in realtà la parte più bela xe che sto studio comincia con:

E soto giustamente traduci: "Every missed chance is lost forever".
Comunque secondo noi i parla de Global Triangles che altro no pol esser che el Triangolo dele Bevude.
Grandi muli!


Nessun commento:

Posta un commento

Disi la tua, ale!