Niente, mentre la reclusione casalinga imperversa in tutta Italia, ecco che fioccano i primi mestieri alternativi. Ecco la lista:
1. Influencer in pigiama e zavate.
2. Sceriffo anti-runner dalla finestra.
3. Autobiografo su facebook. Titolo originale mai sentido prima: "Le mie prigioni".
4. Oste dell'osmiza in pergolo.
5. Primo magazziniere specializzato in gestione della carta de cul.
6. Neuroingegnere biosinaptico creatore di cani replicanti indistinguibili dagli originali dotati di intelligenza artificiale talmente sopraffina da accorgersi da soli che no i ga bisogno de pissar e che quindi el neuroingegnere biosinaptico xe mona.
7. Youtuber ginnasta cola panza specializzato in sollevamento calici.
8. Organizzatore del fantacalcio alternativo basato sulle proprie partite a Fifa 20.
9. Biscazziere gran trapoler del giro di scommesse illegali sul fantacalcio alternativo del punto 8 con relativa corruzione dell'organizzatore per due rodoli extra de carta de cul morbida.
10. Scritor de cazade sui blog.
Eh bon, eco la seconda puntata dela vita del triestin a casa ai tempi del coronavirus:
7:00 Sona la sveia. Ma tanto per sto coronavirus lavoro in smart working e ghe la cazzo al capo spostando indrio l’ora sul computer cussì posso ciaparme un’altra oreta. 8:00 Ri-sona la sveia. Bon femo che me ciapo do orete. 9:00 Ri-ri-sona la sveia: bon ah femo colazion. Cafetin, seduta de facebook in condoto e dopo me pronto per lavorar. Ah ma tanto son in smart working: son za pronto in pigiama. Bon doman me ciapo un’altra oreta de spavada. 10:00 El can Fufi frizi per andar zo. Ma vara ti me toca lavarme e vestirme per portar el can. Con l’autocertificazion me racomando. 11:00 Son zo col can Fufi. Xe pien de cani che no gavemo mai visto. Sti cani no xe de qua, Fufi ghe rugna. Bravo Fufi, zighighe che i staghi casa! 12:00 Sbisigo su facebook. Su “Te son de Trieste se” i ga messo una foto de gente in strada e tuti li insulta. Me unisso e li insulto anca mi: ciò ma no i pol star casa? 13:00 Desso me son corto che nela foto su cui stago fazendo pupoli ghe son anca mi che porto zo Fufi. Me stago insultando solo ciò. Eh bon ah. Bon comunque i altri podeva sicuro star casa. 14:00 Pranzo. Me fazo portar casa el magnar de un dei locali che ga de restar seradi, cussì almeno un poco i lavora, me par giusto. 15:00 Sbisigo su facebook. Su NIMDVM xe la foto de un in giro in bici e tuti lo insulta. Lo insulto anca mi: ciò ma no el pol star casa? 16:00 Desso me son corto che quel nela foto che stago insultando xe el coriere che me ga portà el pranzo. Eh bon ah. Bon comunque i altri podeva sicuro star casa. 17:00 Azz xe tardi. Salvo un per de documenti in word futizando i orari e ghe giro la mail al capo mostrandoghe che go lavorado tuto el giorno. 18:00 Flashmob sonoro. Verzo la finestra e intono "La scoresa la scoresa", perchè come ben savemo chi che mola la scoresa el se libera de un mal. 19:00 Me fazo una partida in famiglia a BARKOLANA, che me son fato consegnar a domicilio in oferta scrivendoghe a manna@bora.la (momento reclàm, vedi soto). 20:00 Me ciama el capo incazà. Lavorando de furia go invertì le robe: go messo le robe de lavor su Te son de Trieste se e ghe go mandado a lui i insulti. 21:00 Zeno. Me fazo portar casa el magnar de un dei locali che ga de restar seradi, cussì almeno un poco i lavora, me par giusto. Xe el stesso corier de prima. Speto che el vadi via, lo fotografo dela finestra e meto la foto su facebook, cussì lo insultemo un poco e ne passa el tempo. 22:00 Go visto che xe pornhub che per via del coronavirus regala agratis l’abonamento premium. Me abono, curioso de saver cossa che ga in più el premium: le ga le tete più grandi?
P.S. (parte seria): vista l’importanza di restare nelle proprie case e vista la concomitante chiusura delle scuole, abbiamo deciso di attivare, per chi lo volesse, la consegna a domicilio del gioco BARKOLANA, completo di espansione MATI PER BARKOLANA, al prezzo “d’emergenza” di 10 euro (il prezzo normale dei due giochi è di 30 euro), pagamento in contrassegno.
Chi fosse interessato a riceverlo a domicilio scriva una mail a manna@bora.la indicando l’indirizzo di consegna. Consegneremo tendenzialmente la mattina dopo. L’offerta è valida solo all’interno del Comune di Trieste.
E per restar agiornado cole monade, iscrivite ala monadesletter:
Dopo il decreto per cui tutta Italia diventa zona rossa, non resta che analizzare quale sarà la giornata tipo del triestino medio fino al 3 aprile. Raccomandiamo comunque di seguire i dieci consigli sul coronavirus per no andar a sburtar radicio.
7:00 Sona la sveia. Sì ma tanto nosepol andar fora de casa. Quindi sveiarse nogascopo. 8:00 Bon però podessi far colazion. Anzi vado zo in bareto cussì legio el Picolo a scroco. Ma prima me lavo le man come da disposizioni governative. 9:00 Me ga fermado i tubi prima de entrar in bareto. Per fortuna go l'autocertificazion del dotor che son cafeina-dipendente propio de sto bar qua. 10:00 Go leto el Picolo ma su Segnalazioni no iera gnente de tale. Ghe domando una pena al barista che cussì scrivo mi una bela. Ma i tubi me disi che per cior la pena me son avicinado a meno de un metro del barista. Per fortuna go l'autocertificazion per scriver monade. 11:00 Torno casa. I tubi me disi cossa che fazo in giro. Per fortuna go l'autocertificazion de residenza e quindi i me lassa tornar casa. 12:00 El can ga de pissar. Lo porto zo. I tubi me ferma. Per fortuna go l'autocertificazion per far pissar el can. I tubi però me disi che el can no sta ativamente pissando. Lo struco e per fortuna vien fora un poca de pipì. 13:00 Ciapo la coriera per romperghe le balotole ai fioi che vien fora de scola coi zaini che intriga. No xe nissun, i ga serado le scole. I tubi vol multarme, ma per fortuna go l'autocertificazion del dotor che disi che go bisogno de mandar a remengo quotidianamente la muleria, se no me ciapa mal. E infati comincio a star mal. 14:00 Vado verso l'ospedal visto che stago mal. Ma i me disi cossa che me insogno de far casin in pronto socorso, desso la priorità xe quei col coronavirus. Li mando remengo. Eco, stago za meo. I tubi me domanda se son mona. Ghe mostro l'autocertificazion che son mona e i me lassa andar.
15:00 Vado in libreria a cior "Le digrazie del tran de Opcina", che xe propio un bel libro. Eh sì, momento reclàm. Ghe mostro ai tubi l'autocertificazion che posso far reclàm. 16:00 Vado veder el cantier novo de via Trento. I tubi insinua che no son un dei operai e quindi no posso star qua. Ghe mostro l'autocertificazion de vecio rompibale da cantier, i operai conferma. 17:00 Vado in bareto, prima che i seri. I tubi me domanda cossa fazo qua. Zerco l'autocertificazion de petesson, ma la go lassada casa. Ciapo la multa. 18:00 Son casa. Davanti a un bel otavo de rosso penso che ala fine Pilat gaveva za previsto tuto:
Casa mia, casa mia
te son tuta un'osteria
ogni stanza un betolin
se respira odor de vin.
19:00 Zeno e penso che doman ala fine forsi xe meo se scolto el sior Conte e stago diretamente casa. Tanto un bel libro de leger lo go.
E per restar agiornado cole monade, iscrivite ala monadesletter:
Coronavirus:
gnente, sicome gira sai disinformazion e tuti invece ga sai voia de esser informai per via che altrimenti dopo no i gavessi più argomenti per ciacolar coi altri in betola (ricordeve de bever sempre un fià de brinjevec sia co rivè che co andè via), dopo gaver fato un otimo servizio ala coletività coi 10 consigli sul coronavirus, ogi ve demo sti diese punti cardine da usar in un qualsiasi giorno in una qualsiasi discussion in che qualsiasi ordine che volè:
Stamatina iera un caso in più a Udine rispeto a Trieste. Sempre avanti i vol esser i furlani.
Due casi novi a Gorizia anche ogi. Finalmente i ga qualche novità de contar anca a Gorizia dei.
Dei casi a Pordenon nissun sa gnente. Solito, no se capissi se considerarli Veneto o Friuli Venezia Giulia.
Ciò mi digo che co i ga fato l'incontro con tuti i sindaci dela regione sicuro a qualchidun ghe ga ciapado qualcossa, mal che vadi el squaraus.
Sto dopopranzo un altro caso novo in Region, go pena leto su Trieste Cafè. Anzi speta che agiorno... ecolo, altro articolo, semo a più uno e mezo. Se agiorno de novo xe un altro articolo che riva a più due.
El Covid19 no passa per i animali, quel xe el Codind 19.
Le scole xe serade e i veci podessi finalmente andar in coriera senza gaver tra le bale i fioi col zaino che intriga. Ma i ga paura del virus e i sta perdendo l'ocasion dela vita. Co tornerà la normalità e le coriere sarà de novo piene de zaineti, i se lamenterà disendo che "Ghe volessi un poco de coronavirus".
Go sentido che el virus no se lo pol passar cole scorese. Alora stago metendo su un mercato nero de mascherine fate cole mie mudande usade.
I ga dado bora forte i prossimi giorni mi fazessi che se bechemo tuti sule rive e tiremo un stranudon verso Venezia e te vedi che ghe la petemo tuta a lori e qua semo a posto.
Intanto che voi ciacolè monade su Trieste Cafè xe za vegnudo fora el toco che semo a più due virgola tre contagiadi.
Ben bon, visto el panico coletivo pensemo sia importante dar dieci utili consigli sul coronavirus:
1. Più radicio: meo magnarlo che sburtarlo.
2. No andar in loghi afolai e no andar in compagnia: insoma meo no andar insieme.
3. Condì tute le robe de magnar col cren.
4. Missiè tute le robe de bever col brinjevec.
5. Evitè de ciapar coriere che xe ulmo de gente. Ciapè el tran che andè sul sicuro de no trovar nissun.
6. Se sè za infeti, meteve in quarantena. No sul'Ursus però che xe za ocupado.
7. Stranudar solo intel comio. Però dopo no ste mandar a remengo la gente fazendo el gesto del'ombrela, altrimenti xe come gnente.
8. Risponder "no" a tute le prossime richieste de "te se missi col mio amico/a?"
9. Lavarse ben le man intel'aqua santa del Timavo.
10. Preferir la muchina ala pecorina (eh bon, xe lunedi ah, qualchidun doveva pur dirla).
Riva Carneval. Benon! De cossa ve vestì?
Eco de cossa volessi vestirse (anche per andar al bagno) el ragno de Domio, un dei protagonisti del belissimissimissimo libro "Animali triestini e dove trovarli", che se trova nele librerie più bobe e online qua.
Il ragno di Domio
tesse trame da dentro un armadio
vorrebbe andar a Barcola a farsi il bagno
ma non esistono costumi da ragno,
per non perdere il mare di vista
in Costa dei Barbari fa il naturista.
E per restar agiornado cole monade, iscrivite ala monadesletter:
Il giorno della presentazione di Esof 2020, ecco che viene svelato uno dei più grandi misteri della scienza moderna: la reale struttura degli atomi.
Pare infatti che non dappertutto gli atomi rispettino la classica divisione in neutroni, protoni ed elettroni, ma che in certe parti del mondo queste particelle siano sostituite da robette endemiche che ne influenzano il comportamento.
L'approfondimento della scoperta ovviamente è rimandato al grande evento di luglio, ma per ora il Monon Behavior Research Department è riuscito a carpire un'anteprima grazie un ottimo lavoro di spionaggio accademico protocollato sotto il nome in codice "Rubar con l'ocio".
In soma dele some, pare proprio che Trieste sia una di queste eccezioni. Forse la più interessante.
Ecco la struttura degli atomi triestini:
Come (quasi) tutti si saranno accorti subito, manca una delle tre particelle classiche: l'elettrone. Quela che ghe cori intorno al nucleo come un mona, per capirse. L'atomo triestino è costituito da:
Proton, neutron e orcotron.
L'orcotron è molto più lento e scazzato del normale eletron. Compie un giro completo attorno al nucleo in ben 4 secondi, il tempo necessario a scandire la sacra formula "Cossa cori che te cori co no cori che te cori" (se accostate un potentissimo microfono a qualunque atomo triestino, scoprirete che in effetti questa frase è percepibile).
Da qui nasce la famosa indolenza, inoperosità e noxecoionismo dei triestini.
No se pol far niente, gavemo proprio EL SCAZZO ATOMICO.
In zonta, il ricercatore triestino Fabrizio Cupardo ha anche trovato un isotopo radioattivo dell'Indio, il Codindio, che decade emettendo proprio orcotron ad altissima energia.
Va ben concludemo con la giusta reclàm, visto che se parla de scienza: el compendio triestin che no pol mancar nela vostra libreria xe oviamente The origin of Nosepolis! E sicome savemo che a causa del'orcotron nissun gaverà voia de andar zo in libreria a ciorlo (anche se saria meo), eco qua el link per ciorlo diretamente online. Tra l'altro ricordemo che Trieste xe diventada cità dela scienza solo grazie a questo importante studio :)
E per restar agiornado cole monade, iscrivite ala monadesletter:
