I gatti sono liquidi, lo dice la scienza

Gnente, solito studio sui gati, dopo quel sui gati che no ga pel cul, quel'altro sui gati che no ga pel cul, e quel sui gati che ghe piasi le scatole de carton.
Insoma scienza utile come che ne piasi a noi.

Insoma el mulon M.A. Fardin in sto importante studio studia la reologia del gato. La reologia xe la scienza che studia i equilibri dela materia deformada dale solecitazioni.
E qua xe casin, perchè se, come gavemo dito prima, el gato no ga pel cul, parlar de "solecitazioni" xe fora logo, perchè el gato no gaverà pel cul, per cui per forza el sta in equilibrio, ostregheta!
E gnente, no gavemo leto el resto perchè no iera voia. Lo trovè qua. Ma sai ne piaseva i pupoli e ecoveli.

No so. Pensar che i gati xe liquidi ne fa strano. Secondo noi xe più coreto pensar che i liquidi xe in realtà gati. Anzi, probabilmente tuti xe gati. Anche noi. E quindi no gavemo pel cul e po bon.


Ben bon, a proposito de scienza mona, ricordeve che xe pena uscido "THE ORIGIN OF NOSEPOLIS", aka Monon Behavior 4, nele librerie più bobe nonchè comodamente online qua!
E tuti i misteri de Trieste, dala maledizion de Miramar al Nosepol, dal Quel che se ciama ala movida, dai cocai ale Lasko ve sarà finalmente riveladi!
E dentro xe pien de gati!